Кадастр агентлигининг вилоят бошқармаси ДХХ хабарини рад этиб, ўз ходимининг тарафини олиб чиқди
Кеча ахборот сайтимиз орқали ўрмон хўжалигининг Муборак тумани ўрмончиси ва Кадастр агентлиги Муборак тумани бўлими бош инспектори Косон туманида яшовчи фуқародан 300 АҚШ доллари ва 2 миллион сўм пулни олганда қўлга олинганлиги ҳақида хабар қилинганди. Кадастр агентлиги ҳамда Давлат кадастрлари палатаси Қашқадарё вилояти бошқармалари ахборот хизмати ҳолатга муносабат билдирди.
Ваҳоланки, фуқаро С.А ва Ўрмон хўжалиги ходими Ф.Ш.лар, бош инспекторга ўзбошимчалик билан эгаллаб олинган ер майдонларида ноқонуний равишда қурилган “ғишт заводи”га тегишли маъмурий чораларни қўлламаслик эвазига унга бир неча бор пора олишни таклиф қилишган. Лекин Қ.Ф томонидан пора олиш рад этиб келинган.
Ўрганиш натижаларига кўра, Кадастр агентлигининг Муборак туман бўлими бош инспектори Қ.Ф тасдиқланган буйруқ асосида, бўлим етакчи инспектори ва Ўрмон хўжалиги мутахассиси билан биргаликда ўрмон хўжалиги ер майдонларини ўзбошимчалик билан эгаллаб олиш, ноқонуний қурилишларни жойида аниқлаш ва бартараф этиш чораларини кўриш мақсадида текшириш ишларини амалга оширган.
Текшириш жараёнида Косон туманида яшовчи фуқаро С.А томонидан ҳеч қандай ҳужжатларсиз ўзбошимчалик билан эгаллаб олинган ер майдонида ноқонуний равишда “ғишт заводи” қурилганлиги ҳолати аниқланган.
Шундан сўнг, қонунбузилиш ҳолатларини содир этган фуқаро С.А Маъмурий жаримага тортилмаса пора беришни таклиф этган. Бўлим бош инспектори Қ.Ф томонидан пора рад этилиб, кадастр ходими қонунда белгиланган тартибда маъмурий жазо чораларини қўллаш учун Маъмурий баённомалар ва ноқонуний қурилишни бартараф этиш мақсадида судга ҳужжатлар расмийлаштириш ҳаракатларини амалга оширган, дейилади хабарда.
Ўхшаш янгиликлар:
Профилактика инспектори ва фуқаро тортишуви юзасидан Қашқадарё вилояти ИИБ муносабат билдирди
ИИБ муносабатида инспекторнинг қўполлиги ҳақида ҳеч қандай сўз йўқ.
