Қаршида «Зил» ва «Нексия» иштирокида содир бўлган ЙТҲда йўловчи ҳалок бўлди
Қарши шаҳрида 16 июнь куни «Зил» ва «Нексия» автомобиллари иштирокида тўқнашув содир бўлди. Бу ҳақда вилоят Ички ишлар бошқармаси ахборот хизмати хабар берди.Маълум бўлишича, ҳодиса соат 05:30 атрофида Боғобод МФЙ ҳудудидаги «Шаршара» чойхонаси олдидаги чоррахада юз берган. Аниқланишича, «Зил-130» юк машинаси чоррахадан қайрилиб олаётган вақтида «Нексия» автомобили билан тўқнашган.
Воқеа оқибатида шифохонада тез тиббий ёрдам кўрсатилганига қарамай енгил машина салонида йўловчи сифатида келаётган фуқаро Н.Ў. вафот этган. Ҳозирда мазкур ҳолат юзасидан Қарши тумани ички ишлар бўлими тергов бўлими томонидан терговга қадар суриштирув ҳаракатлари олиб борилмоқда.
Ўхшаш янгиликлар:
Ғузорда 3 та машина иштирокида ЙТҲ содир бўлди
Терговга қадар текширув ишлари олиб борилмоқда.
