Қарши давлат университети томонидан ўтказилган матбуот анжуманида қабул жараёнлари ҳақида муҳим маълумотлар айтилди
Бугун Қарши давлат университети раҳбарияти томонидан жунралист ва блогерлар учун матбуот анжумани ўтказилгани ҳақида маълум қилгандик. Мазкур анжуманда 2022-2023 ўқув йили учун қабул жараёнлари ҳақида муҳим маълумотлар айтиб ўтилди.
Қабул комиссияси масъул котиби Ғулом Набиевнинг айтишича, 2022-2023 ўқув йили учун Қарши давлат университетининг бакалавриат таълим йўналишларига (кундузги) жами 1515 нафар, шу жумладан давлат гранти асосида 500 нафар, тўлов-шартнома асосида 1015 нафар, сиртқи таълим шаклига жами 475 нафар тўлов-шартнома асосида қабул квоталари тасдиқланди. Магистратура мутахассисликларига 167 нафар давлат гранти асосида қабул квотаси тасдиқланган. Иккинчи ва ундан кейинги олий таълимга кундузги ва сиртқи таълим шакллари бўйича жами 600 нафар қабул квотаси режалаштирилган.
Матбуот анжумани давомида университетда абитуриентларга қулайлик яратиш мақсадида "Call-center" ва Маслаҳат маркази фаолияти йўлга қўйилгани ҳам айтиб ўтилди. Ўхшаш янгиликлар:
