Косон тумани ҳокими интернетда гап-сўзларга сабаб бўлган 6-мактабни жиддий назоратга олди

Хабарингиз бор, ноябрь ойи бошида  интернетда Қашқадарёнинг Косон туманида 15 ёшли ўқувчи қизнинг она бўлгани ҳақида хабарлар тарқалди. Воқеада кўпчилик мактабдаги таълим-тарбия яхши эмаслиги, ўқувчилар назоратида сусткашликка йўл қўйилгани ҳақида фикр билдирди.

Бугун, 19-декабр куни Косон туман ҳокими Асрол Бойкараев, Туман прокурори Улуғбек Эргашев ва  ички ишлар бўлими бошлиғи Улуғбек Отақулов  6- умумий ўрта таълим мактабида йиғилиш ўтказган. «Nasafnews»нинг туман ҳокимлиги ахборот хизмати хабарига таяниб хабар беришича, йиғилишда мактаб ўқитувчилари иштирок этган.
Туман ҳокими сўзга чиқиб, мактабдаги ҳар бир жараённи назорат қилишини, ўқувчилар таълим-тарбияси ҳақида қайғуришини алоҳида таъкидлади ва режага асосан ҳоким ҳар ҳафта мактабда ўқувчилар билан суҳбат ўтказиши белгилаб олинди.

6-умумий ўрта таълим мактабида ўтказилган йиғилишда Косон тумани ҳокими Асрол Бойкараев ўқитувчиларга мактабнинг янги директорини таништирди.
Тумандаги 86-умумий ўрта таълим мактабида раҳбар лавозимида фаолият юритиб келган Феруза Фармонова 6-мактабга директор этиб тайинланди.

Мактаб директори Озода Давронованинг соғлигида муаммо борлиги учун унинг ўрнига ўринбосар Бекзод Бухоров директор вазифасини вақтинча бажариб турган эди.

Ўтказилган йиғилишда яна бир масала кўтарилди. Интернетда гап сўзларга сабаб бўлган мактаб ўқувчисининг онаси Назокат Усмонова яна қайта ишга тикланди, дейилади хабарда.

Шоҳжаҳон Эргашев фаолиятидаги 18-жангда ҳам рақибини нокаутга учратди (Видео)

АҚШнинг Айова штати Слоан шаҳрида ўтказилган профессионал бокс кечасида ҳамюртимиз Шоҳжаҳон Эргашев мексикалик Адриан Эстреллага қарши рингга кўтарилди.

Жанг биринчи рауддаёқ ниҳоясига етди. Мағлубият нималигини билмай келаётган ҳамюртимиз бу сафар ҳам рақибини нокаутга учратиб ғалаба қозонди.

Шу тариқа Шоҳжаҳон Эргашевнинг ғалабалари сони 18тага етди.

Деҳқонободда икки ўғри маҳалладошининг уйидан катта миқдордаги пулларни ўмарди

2020 йил 17 январь куни куни Деҳқонобод тумани Пахтачи МФЙ Ўзбекистон кўчаси 128-уйда яшовчи фуқаро Норқобилов Исажон ариза билан мурожаат қилиб, шу йил 14 январдан 15 январга ўтар кечаси уйидан 1120 АҚШ доллари, анча миқдордаги пули ва яшаш уйининг кадастр ҳужжатларини номаълум шахслар ўғирлаб кетганини билдирган.
Мазкур жиноят юзасидан олиб борилган суриштирувлар давомида ўғриликни жабрланувчи билан бир маҳаллада яшовчи вақтинча ишсиз фуқаро Ф. Қ. шериги Т. Н. билан содир этгани маълум бўлди.

Ўғрилардан 58 770 000 сўм пул, 1110 АҚШ доллари ашёвий-далил сифатида олинган.

Яқинда содир этилган ушбу ўғирлик юзасидан Деҳқонобод туманида Қашқадарё вилоят ИИБ бошлиғининг биринчи ўринбосари полковник С.Турдиев бошчилигидаги ишчи гуруҳ, туман ИИБ, прокуратураси, маҳалла фаоллари, жабрланувчи ва жиноятчилар ҳамда уларнинг ота-оналари иштирокида мазкур жиноят муҳокама этилди.

Ҳали ўттиз ёшга ҳам тўлмаган бу жиноятчиларнинг қилмиши атрофлича муҳокама этилди. 3-сектор раҳбарияти иштирокида бўлиб ўтган муҳокамада жиноят иштирокчиси Ф.Қ. га нисбатан қамоқ эҳтиёт чораси қўлланди.
Ҳолат юзасидан ҳозирда Ўз Р ЖКнинг 169-моддаси 3-қисми “в” банди билан жиноят иши қўзғатилиб, дастлабки тергов ҳаракатлари туман ИИБ тергов бўлими томонидан олиб борилмоқда, дейилади Ички ишлар бошқармаси хабарида.

Болаларни тиланчилик қилишга ким мажбурлайди? (Видео)

Тонг соат 7:30.
Қишнинг қаҳратонли совуғи кўчаларни музлатган. Бу қаҳратон туфайли ҳали шаҳар аҳолиси кўчага ошиқмаган. Қаршининг қоқ марказидаги пиёдалар йўлакчасида 6 яшар юзлари совуқдан қизариб кетган бир қизалоқ тиланчилик қилмоқда. Кўринишидан дуппа-дуруст, ўзбек фарзанди.

Уни секингина саволга тутсак, қилиб қўйган ишидан пушаймондек ўзини олиб қочади. Ичида дард, айтгиси келмайди. Уйини манзилини яширади.
Наҳотки, болалардан пул топиш мақсадида фойдалинишаётган бўлса.
Қайси ота-она ўз фарзандини бунчалик хор қилиб қўйиши мумкин?
Ахир тиланчилик қилишни унга кимдир ўргатмаса, ёш боланинг хаёлига ҳам келмайди-ку…
Шундай ота-оналар борки, ўз боласидан болаликни тортиб олган. Шундай бўлмаса эди, болалар тиланчилик қилмаса эди деб оғринасиз.

Ўзбекистон Республикасининг Конституцияси 64-модда:

“Ота-оналар ўз фарзандларини вояга етгунларига қадар боқиш ва тарбиялашга мажбурдирлар. Давлат жамият етим болаларни ва ота-оналарнинг васийлигидан маҳрум бўлган болаларни боқиш тарбиялаш ва ўқитишни таъминлайди, болаларга бағишланган хайрия фаолиятлари рағбатлантирилади”.

Зойир Мирзаев “Насаф“ футбол клуби раҳбарияти билан учрашди

Хабарингиз бор , “Насаф“ футбол клубининг келажагига бефарқ бўлмаган бир гуруҳ фаол мухлислар Қашқадарё вилояти ҳокими Зойир Мирзаев қабулида бўлишганди.

– Вилоят ҳокими клуб мухлислари билан учрашганларидан сўнг “Насаф“ футбол клуби президенти — “Шўртан газ кимё“ мажмуаси директори Шуҳрат Асланов ҳамда жамоа бош мураббийи Рўзиқул Бердиев билан учрашди, — дейди вилоят ҳокимлиги Ахборот хизмати раҳбари А.Содиқов.

Учрашувда клуб раҳбарияти жамоанинг ҳозирги ҳолати, клубнинг республикада тутган ўрни, ундаги камчиликлар ва қилиниши керак бўлган ишлар ҳақида вилоят ҳокимига маълумот берди.

Вилоят ҳокими ҳам мухлисларнинг талабига биноан вилоятнинг бош жамоасига 3-4 нафар атрофида тажрибали ўйинчиларни клубга жалб этиш бўйича маблағ масаласида ёрдам беришини таъкидлаб ўтди. Бундан ташқари клубни янада ривожлантириш тўғрисида ўз таклифлари билан ҳам ўртоқлашди.

“Насаф“ ПФК матбуот хизмати

Қашқадарёлик Олий Мажлис Сенати аъзолари билан танишинг!

Бугун, 17 январь куни Қарши шаҳрида жойлашган вилоят театри биносида халқ депутатлари вилоят, туман ва шаҳар Кенгашларининг қўшма мажлиси бўлиб ўтди. Унда вилоят, туман ва шаҳар Кенгашлари депутатлари, фаоллар ҳамда оммавий ахборот воситалари вакиллари иштирок этишди.

Қўшма мажлис кун тартибига битта – Ўзбекистон Республикаси Олий Мажлисининг Сенатига вилоятимиздан Сенат аъзоларини сайлаш тўғрисидаги масала киритилди.

Депутатлар кун тартибидаги масала юзасидан қўшма мажлис ишини ишини олиб бориш учун ишчи ҳайъати, тушган таклифларни ҳисобга олиш ва қабул қилинадиган қарорларни расмийлаштириш учун мажлис котибияти, Олий Мажлиси Сенати аъзолигига номзодлар кўрсатиш бўйича Маслаҳат кенгаши, яширин овоз беришни ўтказиш ва унинг натижаларини аниқлаш учун Саноқ комиссияси аъзоларини сайладилар.

Очиқ овоз бериш орқали маслаҳат кенгаши томонидан тақдим этилган олти нафар депутатнинг номзодини ёпиқ яширин сайлов бюллетенига киритиш бўйича қарор қабул қилинди.

Шундан сўнг Сенат аъзоларини сайлови бўлиб ўтди. Сайловда барча демократик талаблар асосида ҳар бир иштирокчининг ўз хоҳиш иродасини эркин ифода этиши учун қурилган кабиналар орқали ўтилиб, бюллетенлар сайлов қутисига ташланди.

Саноқ комиссияси белгиланган тартибда номзодларга берилган овозларни санаб чиқиб, натижаларни эълон қилди.

Сайлов натижаларига кўра, қуйидаги олти нафар номзоднинг барчаси қўшма мажлисда иштирок этган сайловчиларнинг кўпчилик овози билан Ўзбекистон Олий Мажлиси Сенати аъзолигига сайланди:

Мирзаев Зойир Тоирович – Қашқадарё вилояти ҳокими;

Иркаев Абдурахим Панджиевич – Қарши давлат университети миллий ғоя ва маънавият асослари кафедраси доценти;

Шамсиев Шермат Жўрақулович – “Муборак газни қайта ишлаш заводи” масъулияти чекланган жамияти директори;

Курбанов Илхам Узакович – “Аму-Қашқадарё” ИТХБ бошлиғи;

Фозилов Хуршид Ғайратович – Республика ихтисослаштирилган кардиология маркази Қарши филиали директори;

Эшматова Феруза Фарходовна – Олий Мажлис Қонунчилик Палатаси Халқаро ишларва парламентлараро масалалари Қўмитаси раиси ўринбосари.

Вилоят ҳокимлиги ахборот хизмати.

UzAuto Motors минилган автомобилни янгисига алмаштириш шартларини маълум қилди

Хабарингиз бор 2019 йил октябрь ойида UzAuto Motors компанияси Trade-In дастурини эълон қилди. Унга кўра минилган автомашинани янгисига алмаштириш имконияти пайдо бўлди.
Маълум бўлишича ушбу дастур йўлга қўйилгандан бери 400дан ортиқ фуқаролар ўз автомобилларини янгилаб олган.

Компания эски автомобилни қандай қилиб янгисига алмаштириш мумкинлиги шартларини эълон қилди. Унга кўра автосалонда янги автомашина танланади, мутахассис эски машинанинг ҳолатига қараб уни баҳолайди, янги автомобил учун битим имзоланади (бунда битимни нотариал тасдиқлашнинг ҳожати йўқ), янгиси ва эскиси ўртасидаги нарх фарқи тўланади ва автомобил олиб кетилади.

Ҳозирда Trade-In дастури бўйича Tracker, Lacetti, Nexia-3, Spark, Cobalt ҳамда Malibu автомобиллари бор.

Қашқадарёда ҳарбий хизматчига 50 минг сўм пора бермоқчи бўлган шубҳали шахс ушланди

ИИВ Қоровул қўшинларига қарашли Қарши шаҳридаги ҳарбий қисм атрофида бир фуқаро худди нарсасини йўқотгандай уч-тўрт кун айланиб юради. Нотаниш фуқаронинг хатти-ҳаракатини кузатган шартнома асосидаги ҳарбий хизматчи, оддий аскар Анваржон Назарқулов шубҳали шахсни суҳбатга тортади.

Суҳбат асносида фуқаро шу ердаги жазони ижро этиш муассасасида жазо муддатини ўтаётган таниши билан учрашиш ниятида эканлигини билдиради. Гап орасида ҳарбий хизматчига агар ёрдам берса, бу «хизмати» учун мўмайгина пул беришини ҳам қистириб ўтади.

Ҳарбий хизматчи Анваржон Назарқулов шубҳали шахснинг ниятини билгач, кутиб турса, вазиятни ўрганиб чиқиб, жавобини айтишни маълум қилади. Сўнг бу ҳақда раҳбариятга билдирги билан мурожаат этади.

Ҳолат юзасидан ваколатли идораларга хабар берилиб, махсус тадбир ўтказилди. Натижада фуқаро Х. Х. оддий аскар А. Назарқуловга 50 минг сўмни пора сифатида берган пайтда ашёвий далил билан қўлга олинди.

Айни вақтда ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.

Муборакда икки фермернинг “Дамас”и олиб кетилди

Мажбурий ижро бюроси Муборак туман бўлими ходимлари томонидан суд ҳужжатларини ихтиёрий тарзда ижро этмаган қарздорларнинг мол-мулклари хатлаб олинди.Бу ҳақда бошқарма ахборот хизмати хабар тарқатди.

Жумладан, суднинг ижро ҳужжатига асосан қарздор “Суюн бобо” фермер хўжалиги ҳисобидан 6 млн. 824 минг сўм, “Асилбек Санжарович” фермер хўжалигидан эса 4 млн. 916 минг сўм солиқ қарзини ундириш белгиланган.

Мажбурий ижро бюроси Қашқадарё вилоят бошқармаси ахборот хизмати томонидан маълум қилинишича, фермер хўжаликлари қарздорликни ўз ихтиёрлари билан бартараф этмагач, Бюронинг Муборак туман бўлими  ходимлари томонидан фермер хўжаликлари раҳбарларига тегишли бўлган “Дамас” русумли автомобиллари хатлаб олиниб, жарима майдончасига олиб кетилди ҳамда қарздорларга тўлаш учун муддат берилди.

«Насаф» бош мураббийи Таиландга борадими?

Бугун «Насаф» бош мураббийи Рўзиқул Бердиев Ўзбекистон U-23 терма жамоасига ёрдам бериш мақсадида Таиландга чақиртирилгани ҳақида хабарлар тарқалди. Бунга ойдинлик киритиш мақсадида «Насаф» устозига championat.asia сайти боғланди.

«Таиландга боришим ҳақида ҳозирча ҳеч ким мурожаат қилмади. Ўзим ҳам бу хабарни ижтимоий тармоқларда ўқиб, хайрон бўлдим. Айни пайтда бор эътиборим «Насаф»га қаратилган» – деди, Рўзиқул Саъдуллаевич.

Қашқадарё вилоят прокурори: «Фуқаро, маҳалла, сектор тизими йўлга қўйилмас экан, натижа бўлмайди»

Бугун, 16 январь куни вилоят ҳокимлиги мажлислар залида «Маҳаллаларда ижтимоий – маънавий муҳитни янада барқарорлаштириш» мавзуси бўйича кенгайтирилган йиғилиш бўлиб ўтди. Бу ҳақда «Nasafnews» манбаси хабар қилди.

Йиғилишда депутатлар, маҳаллий ҳокимликлар, ҳуқуқни муҳофаза қилувчи органлар, ўзини-ўзи бошқариш органлари ва бошқа мутассадди идора ҳамда ташкилотлар вакиллари иштирок этди.

Кун тартибидаги масала юзасидан сўзга чиққан вилоят прокурори Эркабой Таджиев фуқаро, маҳалла, сектор тизими йўлга қўйилмас экан, натижа бўлмаслигини маълум килган.

Хусусан, вилоят прокурори маҳалла оқсоқоллари, мутасадди ташкилотлар ва сектор раҳбарлари томонидан фуқароларнинг муаммолари ўз вақтида аниқланиб, ҳал этиш чоралари кўрилмаслиги туфайли  жиноятчиликка қарши курашиш бўйича олиб борилаётган чора-тадбирлар самара бермаcлигини таъкидлаб ўтган.

Ko'p o'qilgan

Ko'proq

    Гулнора Каримова колониядан тез ёрдам машинасида олиб кетилди

    Ўзбекистоннинг биринчи президентининг қизи Гулнора Каримова колониядан тез ёрдам машинасида олиб кетилди. Бу ҳақда Каримованинг швейцариялик адвокати Грегуар Манжа маълум қилди, деб хабар бермоқда...