Вилоят раҳбари Шаҳрисабзда туннель қурилиши ишлари билан танишди

Шаҳрисабз шаҳар ҳокимлиги хабарига кўра, шаҳар аҳолиси талаби асосида “Янги кеш” бозорига пиёдаларнинг эркин кириб чиқишлари ва фуқароларимизга қулайлик яратиш мақсадида туннель қуриш ишлари амалга оширилмоқда. Қурилиш ишлари билан Камолиддин Маҳкамов раҳбарлик қилаётган Қашқадарё кўприклардан фойдаланиш унитар корхонаси қурувчилари шуғулланишмоқда.

Вилоят ҳокими Муротжон Азимов туннель қурилиши билан боғлиқ лойиҳа ҳужжатлари ва ишга туширилиш муддати, сифати масаласида шу ернинг ўзида шаҳар ҳокими Акром Сулаймонов, секторларнинг раҳбарлари ҳамда мутахассислар билан мулоқот олиб борди.