"Nexia" ва "Equinox" тўқнашуви бўйича расмий маълумот берилди

Қарши шаҳрида "Nexia" ва "Equinox" машиналари иштирокида ЙҲТ содир бўлгани ҳақида хабар берган эдик. Қашқадарё вилояти ИИБ ахборот хизмати расмий муносабат билдирди. 

«2023 йил 26 феврал куни соат тахминан 17:00 ларда Қарши шаҳри марказий Мустақиллик кўчаси ҳамда эски Нафас кўчаларини боғловчи чорраҳада ҳайдовчи М.Ж. бошқарувида бўлган “Equinox” ҳамда ҳайдовчи М.Ш. бошқарувида бўлган “Nexia” русумли транспорт воисталари иштирокида йўл-транспорт ходисаси содир бўлган. Натижада ҳеч ким ҳеч қандай тан жарохати олмаган.

Ҳозирда мазкур ҳолат юзасида вилоят ИИБ ЖХХ ЙҲХБ ходимлари томонидан сутиштирув ҳаракатлари олиб борилмоқда» - дейилади муносабатда.