Косонлик футболчи Европа чемпионатида рекорд натижа қайд этди

Бобур Абдухолиқов Беларус чемпионатида жамоасига юқори ўринларни қўлга киритишига сабабчи бўлди.

Бобур ушбу мавсумда жамоаси либосида 31 ўйинда майдонга тушиб 27 та гол киритди. Косонлик 25 ёшли ҳужумчинининг яхши ҳаракати сабабли жамоаси тарихида биринчи марта совриндор бўлди. Бобурнинг ўзи ҳам бир қанча рекордлар ўрнатди. Бобур Беларус олий лигасида 30 та ўйинда 26 та гол киритиб, чемпионат тарихида энг кўп гол урган хорижлик футболчига айланди. Бундан ташқари, футболчи чемпионатнинг бир тақвим йилида энг кўп гол урган учинчи футболчиси бўлди.

Воҳадошимиз бу натижалари орқали Ўзбекистон терма жамоаси бош мураббийи Сречко Катанеснинг эътиборини ҳам торта олди. Гарчи, у термамизнинг Қозоғистонга қарши ўйинида тушмаган бўлса ҳам, 20 ноябрда Россия билан бўладиган навбатдаги ўртоқлик учрашувида тушиши кутилмоқда.