Қашқадарё ҳокимлиги Чироқчи туманига ўтказилаётган 1 млрд 500 млн сўм Кўкдала туманига берилишини маълум қилди
Бироз аввалроқ сайтимизда "Қашқадарё депутатлари Президент қарорига зид равишда Чироқчи ҳокимлиги учун 1 млрд 500 млн сўм ажратмоқчи" номли хабар эълон қилгандик. Қашқадарё вилояти ҳокимлиги ахборот хизмати хабар юзасидан маълумот берди.
Юқорида Халқ депутатлари Қашқадарё вилояти кенгаши томонидан маъқулланган маблағларнинг молиявий манбаси аниқ бўлиб, вилоятда макроиқтисодий барқарорликни сақлаб қолишга ўз таъсирини ўтказмайди.
Ҳокимликнинг қўшимча қилишича, Чироқчи тумани ҳокимлиги ҳисоб рақамига ташлаб берилаётган 1.5 млрд. сўм янги ташкил этилган Кўкдала тумани ҳокимлигига орг-техника ва мебель жиҳозлари сотиб олиш учун ажратилмоқда.
Чунки, янги ташкил этилган туманнинг ҳисоб рақами ҳали очилмагани учун Чироқчи тумани ҳокимлиги ҳисоб рақамига ўтказилмоқда. Кўкдала тумани ҳокимлиги ҳозирда коллеж биносида фаолиятини бошлаган. Тез орада Еттитом ҳудудида ҳокимлик ва туман ташкилотлари бинолари, хиёбон ҳамда кўп қаватли уйлар қад ростлайди, дейилади хабарда.
Ўхшаш янгиликлар:
Қашқадарё депутатлари Президент қарорига зид равишда Чироқчи ҳокимлиги учун 1 млрд 500 млн сўм ажратмоқчи
Нодир Эркаев Чироқчи тумани ҳокимлиги биносини безатмоқчими?
Нодир Эркаев Чироқчи туманига ҳоким этиб тайинланди
Бугун халқ депутатлари Чироқчи тумани Кенгашининг навбатдан ташқари сессияси бўлиб ўтди.
Хуррам Жўраев Қашқадарёда ташкил этилган янги туманга ҳоким бўлди
Шу муносабат билан Чироқчи тумани ҳокими лавозимидан озод этилди.