Бош саҳифа » МАҲАЛЛИЙ » Деҳқонободга Туркманистондан чигиртка тўдаси кириб келди

Деҳқонободга Туркманистондан чигиртка тўдаси кириб келди

30 май 2022
1 593
МАҲАЛЛИЙ

Ижтимоий тармоқларда Деҳқонобод туманидаги экин майдонларини чигирткалар босгани айтилган видео тарқалди. Мазкур ҳолат юзасидан Деҳқонобод тумани ҳокимлиги ахборот хизмати хабар берди.

Маълум бўлишича, Вилоят Фавқулодда вазиятлар бошқармаси, вилоят ўсимликлар карантини ва ҳимояси бошқармаси ҳамда унинг таркибидаги чигиртка ва тут парвонасига қарши курашиш хизмати маъсуллари туман ҳокимлиги масъуллар билан бирга ўрганиш ишларини олиб борган.

Аниқланишича, видео туманнинг «Отқамар» маҳалла фуқаролар йиғинида тасвирга олинган. 

"Вазиятни ҳудудга бориб ўргандик. Мутахассислар томонидан суриштирув ишлари олиб борилди. Аниқланишича, шамол оқими туфайли қўшни Туркманистон Республикасидан кичкина чигиртка тўдаси кириб келган. Аммо ушбу тўда беш ёшга тўлган, кўпайиш ва озуқланиш даври тугаганлиги туфайли аҳоли томорқаларига, қишлоқ хўжалигига зарар келтирмайди", — деди туман ҳокими ўринбосари Бахтиёр Бердиев.
«Улашинг»

Ўхшаш янгиликлар: