Деҳқонободда коврак шираси учун икки қишлоқ одамлари жанжал қилди
Қашқадарё вилояти Деҳқонобод туманидаги икки қишлоқ аҳолиси ўртасида жанжал келиб чиқди. Бунга каврак ўсимлигидан йиғиб олинадиган шира сабаб бўлгани айтилмоқда. Шунингдек, мазкур ҳолат акс этган видеотасвирлар ижтимоий тармоқларда жанжал туман Экология бўлими бошлиғи гувоҳлигида содир бўлгани ҳақидаги изоҳ билан тарқатилди. Вилоят Экология бошқармаси ушбу ҳолат юзасидан расмий муносабат билдирди.
Қайд этилишича, видеодаги ҳолат шу йилнинг 10 август куни «Тарқопчуғай» МФЙга қарашли Бўзтепа қишлоғига ёндош Себатли ҳудудида рўй берган бўлиб, ушбу жанжал каврак ширасини йиғиш истагида бўлган шахслар ўртасидаги ўзаро келишмовчиликлар туфайли келиб чиққан. Ҳолат содир бўлган жойда туман Экология бўлими бошлиғи бўлмаган.
Мазкур масала юзасидан айни пайтда Экология қўмитаси, вилоят Экология бошқармаси ва туман бўлими, туман ҳокимлиги, туман прокуратура, адлия, туман ИИБ, туман қишлоқ хўжалиги бўлими, туман меҳнат ва бандлик бўлими, кадастр палатасининг туман филиали масъуллари иштирокида ишчи гуруҳ ташкил этилиб, ўрганиш ишлари олиб борилмоқда.
Ўхшаш янгиликлар:
Деҳқонободда Экология реклама қилган ноёб айиқ боласи уриб ўлдирилгани хабар қилинди
Бугун ижтимоий тармоқларда айиқ болаларидан бири ўлдирилгани ҳақида видеотасвирлар пайдо бўлди.
