Чироқчида 5 млн 500 минг сўм миқдордаги порани олмаган профилактика инспектори мукофотланди
2022 йил 10 июнь куни Чироқчи туман ИИБ ЖХХ ҲПБ профилактика инспектори катта лейтенант Нурбек Оқназаров хизмат ҳудуди туманнинг тоғли «Лангар» МФЙда хизмат олиб бораётганда Самарқанд вилоятига тегишли "Нива" русумли автомашинага дуч келади. Автомашинани тўхтатиб, ҳайдовчи билан мулоқотга киришади. Меҳмон ўзини Б.П. деб таништириб, тегишли ҳужжатлари йўқлигини билдиради.
Катта лейтенант Нурбек Оқназаров аниқланган ҳолатлар — автомашинани тегишли ҳужжатларсиз бошқариш ва вояга етмаган шахсларни мажбурий меҳнатга жалб қилиш ҳолатлари бўйича ҳужжатлар расмийлаштиради.
Иш бундай чаппасига кетишини кутмаган меҳмон Самарқанд вилояти Нуробод туманида яшовчи фуқаро Б.П. профилактика инспекторига ишни ўз фойдасига ҳал этиш эвазига пора таклиф қилади. Катта лейтенант Нурбек Оқназаров унга бу иши жиноят эканлигини, агар ниятидан қайтмаса қонуний чора кўрилиши ҳақида огоҳлантирсада, фуқаро фикридан қайтмайди.
Натижада профилактика инспектори Нурбек Оқназаров бу ҳақда Чироқчи туман ИИБ бошлиғи номига билдирги билан мурожаат қилади.
Яқинда ҳолат юзасидан вилоят ИИБ, Чироқчи туман ИИБ ва прокуратураси ҳамкорлигида ўтказилган тезкор тадбирда фуқаро Б. П. профилактика инспектори Н.Оқназаровнинг хизмат хонасида 5 млн 500 минг сўм миқдордаги пулларни пора тариқасида берган вақтида далилий ашёлар билан ушланган.
Чироқчи туман прокуратураси томонидан фуқаро Б.П.га нисбатан Ўзбекистон Республикаси Жиноят кодексининг 211-моддаси 1-қисми билан жиноят иши қўзғатилди.
Фуқароларда ички ишлар органларига бўлган ишончни мустаҳкамлагани учун катта лейтенант Нурбек Оқназаров бошқарма раҳбарияти томонидан пул мукофоти билан тақдирланди, дейилади Қашқадарё вилояти ИИБ ахборот хизмати хабарида.
Ўхшаш янгиликлар:
Касбида лўли аёл ва унинг вояга етмаган шериги одамларни чув туширди
Содда аёл уларга 6900 АҚШ доллари бериб юборган.
Профилактика инспектори ва фуқаро тортишуви юзасидан Қашқадарё вилояти ИИБ муносабат билдирди
ИИБ муносабатида инспекторнинг қўполлиги ҳақида ҳеч қандай сўз йўқ.
Касбида эри билан жанжал қилган аёл 3 нафар фарзанди ва ўзининг жонига қасд қилмоқчи бўлди
Профилактика инспектори чўкиб кетаётган аёлни магистраль каналдан қутқариб олди
Қашқадарёнинг янги прокурори воҳа аҳлига мурожаат қилиб чиқди
Прокурор мансабдор шахсларни ҳам жиддий огоҳлантирди.