ФИФА "Машъал"га нисбатан трансфер тақиқи белгилади
![](/uploads/posts/2022-08/1660132162_fc-mashal-logo.jpg)
Жорий йилнинг 11 апрель куни ФИФА Низоларни ҳал этиш палатаси Муборакнинг "Машъал" футбол клуби ва унинг нигериялик собиқ футболчиси Ифеанйи Ифеанйи ўртасидаги низоли вазият юзасидан қарор чиқарган эди.
Қарорга кўра, "Машъал" футбол клубига Ифеанйи олдидаги қарздорлик ва жарима тўловларини 45 кун мобайнида тўлаш мажбурияти юклатилган. Агар мазкур мажбуриятлар клуб томонидан ўз вақтида бажарилиши таъминланмаса, клубга нисбатан миллий ва халқаро миқёсда янги футболчиларни рўйхатдан ўтказиш бўйича тақиқ қўйилиши ҳақида огоҳлантириш берилган эди.
Бироқ клуб бу борада хабардор этилган бўлса-да, ушбу низоли вазиятни ҳамон ҳал этмаган. Шу муносабат билан, ФИФА бугун, 10 августдан эътиборан "Машъал" футбол клубига нисбатан трансфер тақиқи жорий этди.
Ўхшаш янгиликлар:
![Германиянинг "Айнтрахт" клуби акциядори "Насаф" клубига ташриф буюрди](/uploads/posts/2022-08/1659534867_photo_2022-08-03_17-49-20.jpg)
Германиянинг "Айнтрахт" клуби акциядори "Насаф" клубига ташриф буюрди
"Насаф" ва "Айнтрахт" клублари ўртасида ўртоқлик ўйини ўтказилади.