Бошқарма бошлиғига тегишли МЧЖ собиқ "электросет" биносини сотиб олди

"Keshnews" Telegram-канали хабар беришича, Шаҳрисабз шаҳридаги собиқ "Электросет" биноси e-auksion.uz платформасига сотувга қўйилган. "Пиллакашлик" МФЙ Пиллакашлик кўчасида жойлашган бўш турган бинонинг бошланғич нархи 17,8 миллиард сўм этиб белгиланган эди. 

Ушбу давлат мулки аукцион орқали 18,6 миллиард сўмга сотилди. 2,19 гектар ер майдони ва 2271 кв.метр бино-иншоотларга эга кўчмас мулк учун ўтказилган савдода "DR BOBOEV HEALTH CENTER" MCHJ ғолиб бўлди. 

Бу МЧЖ Қашқадарё вилояти соғлиқни сақлаш бошқармаси бошлиғи лавозимига тайинланган Алишер Бобоевга тегишли. Алишер Бобоев малакали шифокор, Dr. Boboyev клиника раҳбари ҳисобланади.