Ғузор ҳокимлиги ҳоким ёрдамчиси 300 доллар билан қўлга олингани юзасидан муносабат билдирди
Бироз аввалроқ сайтимизда "Қашқадарёда ҳоким ёрдамчиси 300 доллар билан қўлга олинди" номли хабар эълон қилинганди. Ғузор тумани ҳокимлиги ҳолат бўйича муносабат билдирди. Фуқаро Э.Ф. муқаддам вилоят Бандлик бошқармасида бўлим бошлиғи лавозимида фаолият кўрсатган бўлиб, 2022 йил 12 январдан бошлаб «Жонбулоқ» маҳалласида ҳоким ёрдамчиси лавозимида иш юритиб келган. Фуқаро Э.Ф.нинг ҳоким ёрдамчиси лавозимига ишга қабул қилинишида фаолият кўрсатиб келган иш жойидан ижобий тавсифланганлиги ҳам эътиборга олинган.
2022 йилнинг ўтган даври мобайнида ҳоким ёрдамчилари томонидан янги иш ўринларини яратиш, аҳоли бандлигини таъминлаш ва халқни рози қилиш йўлида бир қатор ижобий ишлар амалга оширилди.
Шунингдек, коррупция ҳолатларни олдини олиш мақсадида ҳоким ёрдамчилари фаолияти туман ҳокимлиги, сектор раҳбарлари ҳамда маҳаллабай ишлаш ва тадбиркорликни ривожлантириш туман маркази томонидан доимий назорат қилиб борилиб, бу борада учрашув ва тарғибот ишлари ўтказилган. Учрашувлар давомида ҳоким ёрдамчиларидан кафолат хатлари олиниб, жараёнлар тегишли тартибда расмийлаштирилган.
Шунга қарамасдан, жорий йил 12 май куни ҳоким ёрдамчиси Э.Ф. ўз ваколатига кирмайдиган иш — Қарши туманида яшовчи фуқарони Республика шошилинч тиббий ёрдам илмий маркази Қашқадарё филиалига фельдшер лавозимига ишга киритиб қўйишни ваъда қилиб, эвазига фирибгарлик йўли билан 300 АҚШ долларини олган вақтда жиноят устида қўлга олинган.
Шу боис, ҳокимлик Э.Ф. томонидан содир этилган фирибгарлик жиноятини оқлаб бўлмаслигини таъкидлаш билан бир қаторда, унинг мазкур жиноий ҳаракати «Жонбулоқ» маҳалласи ҳоким ёрдамчиси лавозими билан боғлиқ эмаслигини маълум қилади, дейилади хабарда.
Ўхшаш янгиликлар:
Қашқадарёда ҳоким ёрдамчиси 300 доллар билан қўлга олинди
У аввал Бандлик бошқармаси бўлим бошлиғи лавозимида ишлаган.
Лутфиддин Абдуллаевга янги биринчи ўринбосар тайинланди
Аввал ҳокимнинг биринчи ўринбосари лавозимида Олмурод Тиловов фаолият кўрсатган
Қамаши қишлоғида субсидия ва имтиёзли кредитлар асосида 50 дона инкубатор тарқатилди
Инкубаторлар ҳоким ёрдамчилари тавсияси билан субсидия ва имтиёзли кредитлар асосида берилди.
"Уйшун" маҳалласидаги ҳоким ёрдамчиси ўзгаришларга кўмакчи бўлмоқда
"Уйшун"да ҳам интенсив усулда балиқ етиштириш бошлаб юборилди