Қарши шаҳар халқ таълими бўлими мудири томонидан дарс ўтилганлиги ҳақида сохта ҳужжатлар таёрланиб, маблағлар талон-торож қилингани айтилмоқда
Қарши шаҳридаги 33-имконияти чекланган болалар учун ихтисослаштирилган мактабнинг уйда якка тартибда таълим берувчи ўқитувчилари учун қўшимча устамалар берилмаётганлиги ва Қарши шаҳар ХТБ мудири мактабда шанба кунлари дарс бўлмасада, иш ҳақи олиб келганлиги ҳақида маълумот берилди. Бу ҳақдаги хабарни блогер Капитан Каримов эълон қилган. Қашқадарё вилоят прокуратураси ҳолат юзасидан маълумот берди.Маълум бўлишича, Вилоят давлат молиявий назорат бошқармаси мутахассислари томонидан ўтказилган текширишда уйда якка тартибда таълим берувчи ўқитувчиларнинг иш ҳақига 50 фоиз устама тўлаш билан бирга асоссиз равишда Вазирлар Маҳкамасининг 20.08.1997 йилдаги 409-сонли қарорида кўрсатилган 100 фоиз устама ҳам ҳисобланиб, тўланганлиги аниқланган.Шу сабабли, мактабнинг уйда якка тартибда таълим берувчи ўқитувчиларига 100 фоизлик устама ҳисобланиши тўхтатилган.
Ўрганиш давомида 33-сонли имконияти чекланган болалар учун ихтисослаштирилган мактабида шанба кунлари дарс ўтилмасада, шаҳар халқ таълими бўлими мудири томонидан дарс ўтилганлиги ҳақида сохта ҳужжатлар расмийлаштирилиб, 2021 апрель ойидан 2022 йил январь ойига қадар 9.480.100 сўм миқдорида ойлик иш ҳақлари тўлаб берилиб, бюджет маблағлари растрата қилиш йўли билан талон-торож қилинганлиги аниқланган.
Шу ва бошқа ҳолатлар юзасидан Қарши шаҳар прокуратураси томонидан 17.03.2022 йилда Қарши шаҳар 33-сонли имконияти чекланган болалар учун ихтисослаштирилган мактаб мансабдор шахслари ва бошқаларга нисбатан Жиноят кодексининг 167 ва 209-моддалари билан жиноят иши қўзғатилиб, ҳозирда тергов ҳаракатлари олиб борилмоқда.
Ўхшаш янгиликлар:
Қарши шаҳридаги «Идеал» савдо дўкони ёпилиб кетди. Дўкондан кредит олган фуқаролар банкка шикоят қилиб борди.
Кеча телеграм каналимиз орқали Қарши шаҳридаги «Универсалбанк» устидан фуқаролар норозилик билдиргани, тўланган кредитлар сабаб қилиб кўрсатилиб, фуқароларнинг пластик картасидан ортиқча маблағлар
Президент селекторида Қашқадарёда аҳвол оғир экани айтилди
Президент Шавкат Мирзиёев раислигида мактаб таълимини ислоҳ қилиш бўйича йил бошида белгиланган топшириқлар ижросига бағишланган йиғилиш ўтказилмоқда.
Косонлик эркак ҳужжати йўқ "Сaptiva"ни сотиб юборди
Ҳозирда тергов ҳаракатлари олиб борилмоқда.
Эшакларга ваҳшийларча муносабатда бўлган шахслар қидирилмоқда
Бугун ижтимоий тармоқларда ёш боланинг олдида эшакларни таёқ билан аёвсиз тарзда ураётган
Қашқадарёда молиявий пирамида ташкил қилиб, 231 нафар фуқарони алдаган шахслар фош бўлди
Фуқаро Ш.Aбдурахманов ва унинг жиноий шериклари ўзганинг жуда кўп миқдордаги мулкини қўлга киритиш мақсадида пул маблағига эга бўлган