Туркия ҳамкорлигида Қаршида янги факультет ташкил этилади
Ўзбекистон Республикаси Олий таълим, фан ва инновациялар вазири Telegram-каналида хабар беришича, 2-феврал куни Туркия Республикасининг Измир шаҳрида жойлашган Эгей университети билан ҳамкорликда Қарши муҳандислик иқтисодиёти институти қошида “Текстил муҳандислиги факултети” очиш юзасидан онлайн учрашув ташкил этилган.
Онлайн мулоқотда Эгей университети муҳандислик факултети раҳбарияти проф.др. М.Танёлачач, проф.др. Перрин Акчакожа, Қарши муҳандислик иқтисодиёт институти, вилоят ҳокимлиги ва вилоят Инновацион ривожланиш ҳудудий бошқармаси ва пахтачилик кластери вакиллари иштирок этдилар.
Олиб борилган мулоқот натижасида, Эгей университети томони ушбу ташаббусни тўлиқ қўллаб-қувватлашини билдирди ва вилоят делегацияси Туркия давлатига ташриф буюриб, дастлабки амалий ишларни бошлашга келишилди.
Маълумот учун: Қашқадарё вилоятида 18 та пахта-тўқимачилик кластерлари мавжуд бўлиб, уларнинг таркибида 27 та тўқимачилик ва тикув-трикотаж корхоналари фаолият юритмоқда.
Ўхшаш янгиликлар:
Қарши тумани ҳокимлигида янги ўринбосарлик лавозими жорий этилди
Эндиликда ҳокимнинг ўринбосарлари сони 7 нафарни ташкил қилмоқда
Президент Косондаги “Бунёдкор” пахта-тўқимачилик кластери фаолияти билан танишди
Давлатимиз раҳбари Косон туманидаги “Бунёдкор” пахта-тўқимачилик кластерининг ишлаб чиқариш корхоналарини бориб кўрди.
