Ишдан бўшатилган вилоят ҳокими ўринбосарини Экология бошқармасига бошлиқ қилиб қўйишди
Қашқадарё вилояти Экология ва атроф-муҳитни муҳофаза қилиш бошқармаси бошлиғи лавозимига Эшонқулов Акбар Бурхонович тайинланди. Бу ҳақда вилоят Экология бошқармаси ахборот хизмати хабар берди.
Қашқадарё вилояти Экология ва атроф-муҳитни муҳофаза қилиш бошқармаси бошида сўнгги вақтларда тез-тез тайинловлар амалга оширилмоқда. Қизиғи шундаки, вилоят ҳокимлигида ишлаган Қаҳрамон Нормуҳаммедовга шу йилнинг февраль ойида бошқарма бошлиғи вазифасини бажариш топширилганди. Кўп ўтмай, у «Ҳисор» давлат қўриқхонасига бошлиқ этиб тайинланди.
Шундан кейин Ғанишер Ибрагимов бошқарма бошлиғи этиб тайинланди. Аммо Ибрагимовни август ойида ўз ишига масъулиятсизлик билан ёндошгани айтилиб, ишдан бўшатишди. Ғанишер Ибрагимов "Nasafnews" мухбири билан мулоқот чоғида уни ноҳақ ишдан бўшатишганини айтди. Унинг иддаосига кўра, Экология ва атроф-муҳитни муҳофаза қилиш қўмитаси бошлиғи ўринбосари томонидан Президент Администрацияси йиғилишида Қашқадарёда қуриб кетган дарахтлар сони бўйича рақамлар ошириб кўрсатилган.
Мавзуга доир: "Администрацияга ёлғон маълумот беришган". Қашқадарё вилояти экология бошқармаси бошлиғи уни ноҳақ ишдан бўшатишганини маълум қилди
Воқеалар сўнггида Қаҳрамон Нормуҳаммедов яна Экология бошқармаси бошлиғи этиб тайинланди ва шу кунгача у бошқармада бошлиқ бўлиб турганди.
Ўхшаш янгиликлар:
Қашқадарё вилоят Экология бошқармаси бошлиғи масъулиятсиз экани айтилиб, ишдан олинди
Унинг ўрнига собиқ раҳбарни қайтариб олиб келишди
Қашқадарё вилояти Экология бошқармаси раҳбарияти журналистлардан қочмоқда
Қашқадарёда экологик муаммолар йўқми?
Қашқадарё ҳокимлигида ишдан кетган ўринбосарлар ўрнига янгилари келди
Ҳокимлик уларнинг нима сабабдан ишдан бўшатилганини очиқламай, бошқа ишга ўтаётганини рўкач қилиб кўрсатди.
