Қарши туманидаги марказий ўйингоҳ реконструкциядан кейин қандай кўринишда бўлади?

Туман марказидаги неча йиллардан буён фойдаланилмасдан турганлиги боис абгор, ачинарли ва ўта харобага айланган иншоот янгиланмоқда.

Туман раҳбарининг айтишича, туман марказий стадиони тўлиқ реконструкция қилиб бўлинганидан сўнг "Насаф" жамоаси учун янги ўқув-машғулот қароргоҳи вазифасини ҳам ўташи бўйича "Насаф" клуби билан келишиб олинган. 

"Ушбу ўйингоҳнинг замонавий қиёфага келиши ҳар томонлама манфаатлидир. Натижада ёшларимиз учун яхши спорт комплекси бунёд бўлади. Ўйингоҳ атрофида хизмат кўрсатиш ривожланади. Қўшимча даромад олиш имконияти юзага келади. Янги иш ўринлари яратилади",- дейилади ҳокимлик хабарида.