Кўчмас мулк олиш учун буйракни сотиш мумкинми? Мусулмонлар идораси ушбу саволга жавоб берди

Ўзбекистон мусулмонлари идораси Фатво марказига «Уйимиз йуқ. Уй олиш учун буйрагимни сотсам бўладими? Бу ҳаром ёки гуноҳмасми?» дея савол йўллаган. Ваколатли уламолар ушбу масалага ойдинлик киритган.

«Инсон ўзининг аъзоларига ҳақиқий эга ҳисобланмайди, балки улар Аллоҳники ва инсонга омонатга берилган. Шунинг учун шариатимизда одам ўз аъзоларини сотишга ҳаққи йўқ. Бу савдо ботил, бекор. Бу ишини қилган киши ва бунга ёрдам берганлар гуноҳкор бўлади. Валлоҳу аълам», – дейилади Фатво маркази жавобида.