Комил Алламжонов АҚШнинг Ўзбекистондаги элчиси билан учрашди. Улар YouTube компанияси билан ҳамкорлик масалаларини муҳокама қилди

Комил Алламжонов АҚШнинг Ўзбекистондаги элчиси Жонатан Хеник билан учрашди. Бу ҳақда Алламжонов Telegram-канали орқали хабар бермоқда. 

Ёзилишича, учрашувда Google (YouTube) компанияси билан ҳамкорлик алоқаларини йўлга қўйиш ва бу орқали ахборот соҳасига оид айрим муаммоларни биргаликда ҳал этиш масалалари муҳокама қилинган.

"Кўплаб блогерларимиздан YouTube монетизациясининг чекланиши юзасидан мурожаатлар келиб тушган эди. Шу боис учрашувда элчи жаноблари билан ушбу компания вакиллари билан учрашув ташкил этиш ва вазиятни ўрганиш бўйича келишиб олдик.", - деб ёзади Комил Алламжонов.