UzAuto Motors автомобиллар нархларини ошириши мумкин

“Autostrada.uz” нашри хабар беришича, UzAuto Motors Chevrolet Onix ва Tracker учун шартномалар беришни тўхтатган.

Cobalt ва Lacetti сотиб олиш бўйича шартномалар тузиш тўхтаганидан сўнг, нархи 200 миллион сўмдан юқори бўлган Onix ва Tracker’га шартнома бериш ҳам тўхтаган. 

“Autostrada.uz” маълум қилишича, компаниядан сотиб олиш мумкин бўлган автомобиль 420 миллион сўмлик Malibu машинаси. 

“Одатда шартномалар чиқаришни тугатиш инвентаризация ва кейинчалик нархларнинг ошиши вақтида содир бўлади. Охирги 5 йил ичида UzAuto Motors турли баҳоналар билан нархларни оширишдан аввал автомобиллар савдосини тўхтатган”, – дейилади нашр берган хабарда