Абдумалик Абдусаломов Қашқадарё тарихидаги биринчи гроссмейстер бўлди

Халқаро шахмат Федерацияси (FIDE) қашқадарёлик шахматчи Абдималик Абдисалимовга халқаро гроссмейстерлик унвонини берди. Бу ҳақда “UzChess” лойиҳаси ўз Telegram саҳифасида маълум қилди.

Гроссмейстер унвони FIDE томонидан 1949 йилда таъсис этилган. Эркаклар 1950 йилдан, аёллар эса 1976 йилдан бери халқаро мусобақаларда эришган юксак ютуқлари учун мазкур унвон билан мукофотланиб келинади.

Маълумот учун, Абдумалик Абдусаломов 2002-йил 3-март куни Яккабоғ туманида туғилган. У ҳозирда Қарши муҳандислик иқтисодиёт институти талабаси. “ФИДE” устаси (ФМ, 2015), Халқаро тоифадаги спорт устаси (ИМ, 2019) ва 2018-йил «Мард ўғлон» давлат мукофоти соҳиби бўлган.