Эшакларни ёш бола олдида калтаклаган эркаклар топилди. Улар Чироқчидан
Кеча ижтимоий тармоқларда ёш боланинг олдида эшакларни таёқ билан аёвсиз тарзда ураётган эркакнинг видеоси тарқалганди. Шундан сўнг, Қашқадарё вилоят ИИБ ҳайвонларга ваҳшийларча муносабатда бўлган бу шахслар қидирилаётгани ҳақида маълум қилди.Маълум бўлишича, воқеа 2021 йил вилоятнинг Чироқчи туманидаги «Лангар» МФЙ Тўлақўрғон қишлоғида содир бўлган бўлиб, воқеа иштирокчилари ота-ўғиллар бўлган. Бу ҳақда «Дарё» нашри хабар қилди.
Судья Ўктам Расулов раислигидаги кўриб чиқилган ишда ҳайвонларга озор берган ота Алишер Илёсов Маъмурий жавобгарлик тўғрисидаги кодекснинг 111-моддаси 2-қисми (вояга етмаган шахс ҳозирлигида ҳайвонларга нисбатан шафқатсиз муносабатда бўлиш ёхуд ҳайвонларнинг майиб бўлишига олиб келиш) билан айбдор деб топилиб, унга 12 сутка маъмурий қамоқ жазоси тайинланди. Воқеанинг иккинчи иштирокчиси судланувчининг ўғли Б.С. вояга етмагани учун унинг хатти-ҳаракати учун ҳам отаси Алишер Илёсов Маъмурий жавобгарлик тўғрисидаги кодекснинг 47-моддаси (болаларни тарбиялаш ва уларга таълим бериш борасидаги мажбуриятларни бажармаслик) билан айбли деб топилиб, базавий ҳисоблаш миқдорининг бир баравари (270 минг сўм) миқдорида жаримага тортилди.
Ўхшаш янгиликлар:
Эшакларга ваҳшийларча муносабатда бўлган шахслар қидирилмоқда
Бугун ижтимоий тармоқларда ёш боланинг олдида эшакларни таёқ билан аёвсиз тарзда ураётган
«Чаман» туризм комплекси қурилишига ҳеч ким қизиқиш билдирмади
Зойир Мирзаевнинг 2 йил олдин берган ваъдаси бажарилмади ёхуд «Чаман» туризм комплекси қурилишига ҳеч ким қизиқиш билдирмади
Шаҳрисабзлик фуқаро Чироқчидаги савдо дўконини ўмариб кетди
Чироқчи тумани «Обод» маҳалласида яшовчи K.O. 2022 йил 11 март куни туман ИИБга ариза билан мурожаат қилди.
Қарши шаҳридаги «Идеал» савдо дўкони ёпилиб кетди. Дўкондан кредит олган фуқаролар банкка шикоят қилиб борди.
Кеча телеграм каналимиз орқали Қарши шаҳридаги «Универсалбанк» устидан фуқаролар норозилик билдиргани, тўланган кредитлар сабаб қилиб кўрсатилиб, фуқароларнинг пластик картасидан ортиқча маблағлар
Косонлик эркак ҳужжати йўқ "Сaptiva"ни сотиб юборди
Ҳозирда тергов ҳаракатлари олиб борилмоқда.