Бугун 100 га яқин автобус ва 20 та микроавтобус бепул хизмат кўрсатади

Қашқадарё вилояти транспорт бошқармаси Ахборот хизмати маълум қилишича, вилоят транспорт бошқармаси ва воҳамиздаги ташувчи корхоналар ташаббуси билан референдумда овоз берувчилар учун қулайлик яратилган

Референдум участкаси жойлашган ҳудуддан олисда яшовчи фуқароларнинг узоғини яқин қилиш мақсадида Қарши шаҳри ва туманларда транспорт  қатнови ташкил этилмоқда.

Бугун, 30 апрель куни соат 8:00 дан 20:00 гача олис ҳудудда яшовчи овоз берувчиларга 100 га яқин автобус ва 20 та микроавтобус бепул хизмат қилади.