Ғузор туман ҳокимлиги ва Қарши шаҳар ободонлаштириш бошқармаси ўзбошимчалик билан электр тармоғига улангани маълум бўлди

244

“Ўзэнергоинспекция” Қашқадарё ҳудудий бўлими томонидан МИБ Қашқадарё вилояти бошқармаси ва “Қашқадарё ҲЭТ” АЖ ходимлари иштирокида доимий ўрганишлар ўтказилиб, қоидабузарликларни аниқлаш ва олдини олиш борасида ҳамкорликда ишлар йўлга қўйилган.

Ўрганишлар натижасига мувофиқ, электр тармоғига ноқонуний уланиш, электр ҳисоб схемаларининг бузилиши, истеъмолчилар томонидан техник ҳужжатларсиз электр тармоқларига уланиш, мавжуд ҳисоблагичлар ва трансформатор пунктларини шартномаларга киритмаслик ҳолатлари аниқланди.

Жумладан, Ғузор туман ҳокимлигига қарашли бинода ўрнатилган ҳисоблагич дастурда ўчирилганлиги кўрсатилган бўлса-да, амалда ўзбошимчалик билан тармоққа уланиб фойдаланаётганлиги аниқланиб, баённома тузилди ва 55 896 300 сўм (124 214 кВт.с) ҳисобланмаган энергия қиймати аниқланди.

Шунингдек, Қарши шаҳрида ўтказилган ўрганишларда Қарши шаҳар ободонлаштириш бошқармасига қарашли кўча чироқлари электр таъминоти ҳисоб нуқталари ўрганилганда, битта ҳисоб нуқтасида ҳисоблагичсиз ўзбошимчалик билан уланганлиги, битта ҳисоб нуқтасида ҳисоб-схема бузилганлиги, яъни ҳисоблагич ажратиб қўйиб ишлатилаётганлиги, 4 та ҳисоб нуқтасида мавжуд трансформатор пункти ва ҳисоблагичлар шартнома ва дастурга киритилмасдан ишлатилаётганлиги аниқланиб, жами 335 618 600 сўм (745 819 кВт.с) га қайта ҳисоб қилинди ва ундиришга йўналтирилди.

Юқоридаги ҳолатларда узоқ давр мобайнида истеъмолчиларнинг энергиядан ноқонуний фойдаланиш ҳолатлари назоратсиз қолдирилганлиги учун масъулиятини ошириш бўйича мажбурий ижро бюроси ва электр таъминоти корхонаси ходимларига кўрсатмалар берилди, дея хабар беради “Ўзэнергоинспекция” Қашқадарё ҳудудий бўлими.

Javob qoldiring:

Please enter your comment!
Please enter your name here