Шаҳрисабздаги боғчада бола кўп қон йўқотиб вафот этди
Қашқадарё вилояти Шаҳрисабз шаҳар Мактабгача таълим бўлими тасарруфидаги 1-Давлат мактабгача таълим ташкилотида содир бўлган ҳодиса юзасидан Қашқадарё вилоят мактабгача таълим бошқармаси маълумот берди.
2022 йил 28 июл санасида Шаҳрисабз шаҳар Мактабгача таълим бўлими тасарруфидаги 1-Давлат мактабгача таълим ташкилотида мазкур мактабгача таълим ташкилотида қатнамайдиган 2014 йилда туғилган С.Х. синглиси А.Х. билан биргаликда боғчага келган.
Тайёрлов гуруҳ тарбиячиси С.Ж. С.Х. ҳамда А.Х.нинг онасини илтимосига кўра, қонунга зид равишда С.Х.ни синглиси билан боғчада қолишига рухсат берган.
Тушлик пайтида опа – сингил С.Х. ва А.Х. ташкилот ҳожатхонасига чиқишган. Опаси ҳожатхона ичкарисига кирган пайтда, синглиси ташқаридан ҳожатхона эшикни очиб-ёпиб ўйнаган. Натижада ҳожатхона эшигининг ойнаси синиб, шиша бўлаклари С.Х.ни жиддий жароҳатлаган.
Воқеа жойида ташкилот ҳамшираси томонидан тезда биринчи ёрдам кўрсатилган. Бироқ, С.Х.нинг жароҳати чуқурлиги сабаб, кўп қон йўқотиш натижасида вафот этган. Ҳолат юзасидан Шаҳрисабз шаҳар прокуратураси ўрганиш олиб бормоқда.
Ўхшаш янгиликлар:
Бошлиққа ёлчимаган бошқармага яна бир вазифа бажарувчи бошлиқ келиши мумкин
Аммо бу раҳбарлар тезда ишдан олинмоқда.
Чироқчи: Жажжилар учун замонавий масканлар
Қашқадарё воҳасининг йирик ҳудудлардан бири – Чироқчи туманида барча соҳаларда ислоҳотлар жадал бормоқда.
Косон тумани ҳокими ўринбосари мактабгача таълим бошқармаси бошлиғига ўринбосар бўлди
Бошқарма бошлиғи ҳам Косон тумани ҳокими ўринбосари бўлиб ишлаган.
