» » Яккабоғда мактаб ҳудудини сотиб юборган мансабдор шахслар устидан жиноят иши қўзғатилди

Яккабоғда мактаб ҳудудини сотиб юборган мансабдор шахслар устидан жиноят иши қўзғатилди

22 сен 2022
779
МАҲАЛЛИЙ

Маълум бўлишича, Қашқадарё вилояти Яккабоғ туманидаги 75-сонли мактабнинг ҳудудида ноқонуний равишда кўп қаватли уй-жой қурилмоқда. Ҳолат юзасидан Қашқадарё вилояти прокуратураси расмий муносабат билдирди.
"Яккабоғ туманидаги 75-умумтаълим мактаби балансидаги ер участкалари кўп қаватли турар-жой биноси қуриш учун ажратилиб, асоссиз равишда бегоналаштирилиб, талон-торож қилинганлик ҳолати юзасидан туман ҳокимлиги ҳузуридаги ер участкаларини эгалик қилишга, фойдаланишга ва ижарага бериш (реализация қилиш) масалаларини кўриб чиқиш доимий комиссияси мансабдор шахслари ва бошқаларга нисбатан жиноят кодексининг 205-моддаси билан жиноят иши қўзғатилиб, дастлабки тергов ҳаракатлари олиб борилмоқда. Терговнинг бориши назоратга олинган", - дейилади хабарда.

«Улашинг»

Ўхшаш янгиликлар: