"Қашқадарё сув таъминоти" МЧЖ Муборак тумани филиалининг ноқонуний ишлари фош бўлмоқда
Куни кеча ахборот сайтимизда Муборак туманида канализация қувурларини сотмоқчи бўлган шахслар ушлангани, бу ишлар бошида "Қашқадарё сув таъминоти" МЧЖ Муборак филиали мансабдор шахслари ва бошлиғи тургани ҳақида хабар қилгандик. Бош прокуратураси ҳузуридаги Иқтисодий жиноятларга қарши курашиш департаменти мазкур филиалнинг яна бир ноқонуний ҳаракатлари ҳақида маълумот берди.
Бош прокуратура ҳузуридаги Департаментнинг Қашқадарё вилоят бошқармаси томонидан ўтказилган терговга қадар текширувда, “Қашқадарё сув таъминоти” МЧЖ Муборак тумани филиали моддий жавобгар шахслари ва бошқалар туманидаги “Кўҳнашаҳар” ва “А.Темур” ҳудудидан ўтувчи узунлиги 2 500 метр бўлган бозор баҳоси 1,1 млрд сўмлик пўлат сув қувурларини ўзлаштириш ва растрата қилиш йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Ўхшаш янгиликлар:
Қашқадарёда канализация қувурларини сотмоқчи бўлган жиноий гуруҳ фош бўлди
Қувур сотмоқчи бўлганлар бегона эмас
Муборакда велосипед ва пиёдалар йўлакчаларини қуриш баҳонасида 1,1 млрд сўм ўзлаштирилди
Йўлаклар қурилиши бошланишига Зойир Мирзаев дуо берган эди.
Қашқадарёда имтиёзли кредит маблағини талон-торож қилган раҳбар фош бўлди
У 21 нафар фуқаронинг номига банк филиали масъул шахслари билан ўзаро тил бириктириб, кредит маблағи олган.
