Қашқадарёда бош прокурор ўринбосари ва ДХХ бошқарма бошлиғи иштирокида ўтказилган йиғилишда 7 нафар мансабдор ушлангани айтилди
Бош прокурор ўринбосари Эркин Юлдашев, Давлат хавфсизлик хизмати бошқарма бошлиғи Мирзоҳид Джураев ва вилоят прокурори Эркабай Таджиев иштирокида жорий йил 18 май куни Қашқадарё вилоятида бюджет маблағлари талон-торож қилиниши, суиистеъмолчилик ва коррупция ҳолатларига барҳам бериш ҳамда мансабдор шахсларни масъулиятини янада оширишга қаратилган йиғилиш бўлиб ўтди. Бу ҳақда Қашқадарё вилояти прокуратураси хабар берди.
Танқидий руҳда ўтказилган йиғилишда масъулларга бюджет ва имтиёзли кредит маблағларини мақсадли сарфланиши, ҳудудларни ижтимоий-иқтисодий ривожлантириш ва аҳолини камбағалликдан чиқариш бўйича белгиланган вазифалар ижросини таъминлашга қаратилган аниқ вазифа ва топшириқлар берилди. Шунингдек, бюджет ва кредит маблағларини ўзлаштирган 7 нафар мансабдор шахс эҳтиёт чораси сифатида қамоққа олиниб, 4 нафар банк раҳбарларининг ҳаракатларига баҳо бериш учун терговга жалб қилинганлиги алоҳида қайд қилинди.
Бюджет маблағларининг талон-торож қилинишининг олдини олиш ҳамда давлат дастурларини ижроси таъминлаш борасида вилоят ишчи гуруҳи ўз фаолиятини янада фаоллаштириш лозимлиги таъкидланди.
Ўхшаш янгиликлар:
Қашқадарёда бир неча тиббиёт бирлашмаси бошлиқлари ишдан ҳайдалди
Вазирлик уларни коррупция ҳолатларига йўл қўйган демоқда.
Ёшлар ишлари агентлиги Қашқадарё вилояти бошқармаси бошлиғи ҳайфсан олди
Агентликнинг вилоят бошқармаси ахборот хизмати бу хабарни тасдиқламади.
Рустам Юлдашев жиддий танқид қилиниб, ишдан олиш бўйича огоҳлантирилгани айтилмоқда
Йиғилишда унинг ўрнига ёш, шижоатли, ёшлар билан ишлай оладиган кадр тайинланиши ҳам айтилган.
Бошлиққа ёлчимаган бошқармага яна бир вазифа бажарувчи бошлиқ келиши мумкин
Аммо бу раҳбарлар тезда ишдан олинмоқда.
Қаршида фуқаролар қурилиши чала ташлаб кетилган уйлар учун кредит тўламоқда
Уларга кредит ажратган банк мансабдорлари устидан жиноят иши қўзғатилди.«Nasafnews» танқидидан кейин Қашқадарё прокуратурасидан садо чиқди.