Қотил мактаб ўқувчиси: Қарши шаҳрида бир оиланинг барча аъзоларини пичоқлаган шахс 12 йилга озодликдан маҳрум этилди

2022 йил 31 май куни Қарши шаҳри «Комилон» маҳалла фуқаролар йиғинидаги хонадонлардан бирида фуқаро Л.А.нинг (эркак, 1995 й.т.) жасади қотиллик аломатлари билан топилган эди. Кейинчалик, марҳумнинг рафиқаси, онаси ва 2 ёшли ўғлига ҳам ўткир жисмлар билан оғир тан жароҳати етказилгани маълум бўлган эди.

Мазкур ҳолат Жиноят ишлари бўйича Қарши шаҳар судида кўриб чиқилди. М.М га нисбатан Жиноят кодексининг 97-моддаси иккинчи қисми, 25,97-моддаси иккинчи қисми ва 164-моддаси билан айб қўйилди.

Маълумот ўрнида, оғирлаштирадиган ҳолатларда қасддан одам ўлдириш жинояти учун 15 йилдан 25 йилгача озодликдан маҳрум қилиш ёки умрбод озодликдан маҳрум қилиш жазоси назарда тутилган.