“Мираки” да ноқонуний қурилган 11 та бино бузиб ташланди

Мажбурий ижро бюроси Шаҳрисабз туман бўлими томонидан Фуқаролик ишлари бўйича Шаҳрисабз туманлараро судининг ижро варақаларига асосан 11 та ноқонуний қурилма бузиб ташланди. Аниқланишича, тумандаги сўлим “Мираки” қишлоғида жойлашган дарё ўзанларнинг бўйида қурилган мазкур қурилмалар ҳеч қандай ҳужжатларсиз даромад топиш мақсадида қурилган. 

Жумладан, Фуқаролик ишлари бўйича Қарши туманлараро судининг 04.11.2023 йилдаги ижро варақасига асосан қарздор Н.Я томонидан Мираки МФЙ ҳудудидаги ўзига тегишли бўлмаган 0,05 га ер майдонидаги ноқонуний равишда қурилган 20,0 кв.метр тапчан ва бинолар сарф қилинган харажатлар қопланмаган тарзда қарздор томонидан буздирилиш ва ер майдонининг ўрнини дастлабки ҳолатга келтириш белгиланган. 

Мазкур ижро ҳужжати буйича қарздор томонидан суд қарори ижросини ихтиёрий таъминланмаган ва кескин қаршилик кўрсатиб келинган.

11 нафар қарздорларга тегишли мазкур ноқонуний қурилмалар – оғир реконструкцияли бинолар, девор ва тўсиқлар, тапчан ва супалар босқичма-босқич махсус техникалар ёрдамида буздириб ташланди.