Мамлакатимиздаги барча умумтаълим муассасаларида 2023-2024 ўқув йили якунланиши муносабати "Сўнгги қўнғироқ" тадбирлари бўлиб ўтмоқда. 
Хусусан, Қарши шаҳридаги 1-сонли ихтисослаштирилган мактаб-интернатида ташкил этилган байрам тантанасида Қашқадарё вилояти прокурори Бектош Сайипов иштирок этиб, катта ҳаёт йўлига қадам қўяётган битирувчи ёшларнинг келгусидаги ўқиш ва ишларига муваффақиятлар тилаб, Давлатимиз раҳбарининг табригини ўқиб эшиттирди ва барча ўқувчи-ёшларни, битирувчиларни, уларнинг устозлари ва ота-оналарини ушбу сана билан муборакбод этди.
