Ички ишлар вазири томонидан ҳар ой оммавий сайёр қабуллар ўтказилиши маълум қилинди

Ички ишлар вазирлиги хабар беришича, фуқароларнинг қонуний ҳуқуқ ва манфаатларини ҳимоя қилиш, ҳафта давомида кундалик меҳнат фаолияти билан банд бўлган аҳолига қулайлик яратиш ҳамда мурожаат қилувчиларнинг Ички ишлар вазири, унинг ўринбосарлари ҳамда ҳудудий ички ишлар органлари раҳбарлари билан очиқ мулоқот қилишларини осонлаштириш мақсадида, ҳудудий ички ишлар органлари раҳбарлари томонидан ҳафтанинг ҳар якшанба куни, Ички ишлар вазири томонидан ҳар ойнинг охирги якшанба куни шахсий қабуллар ҳамда жойларда оммавий сайёр қабуллар ўтказилиши белгиланган. 

Ички ишлар вазири ҳамда ҳудудий ички ишлар органлари раҳбарлари томонидан якшанба кунлари ўтказиладиган сайёр қабулларнинг вақти ва жойи тўғрисида ИИВнинг интернетдаги саҳифаси, Қорақалпоғистон Республикаси ИИВ, Тошкент шаҳар ва Тошкент вилояти ИИББ ҳамда вилоятлар ИИБлари томонидан маълум қилинади, дейилади расмий хабарда.