Ички ишлар органларига ишга киритиб қўймоқчи бўлган Миллий гвардия ходими қўлга тушди

ДХХ Қашқадарё вилояти бўйича бошқармаси томонидан Бош прокуратура ҳузуридаги Департамент ва ички ишлар органлари билан ҳамкорликда ўтказилган тезкор тадбирда Миллий Гвардиянинг Қўриқлаш бошқармаси Қарши шаҳар бўлими ходими Косон туманида яшовчи бир фуқарони ўзининг мансабдор танишлари орқали вилоят ИИБга ишга киритиб қўйиш эвазига 2000 АҚШ доллари олган вақтида ДХХ ва ИЖҚКД ходимлари томонидан унинг ноқонуний ҳаракатига чек қўйилди.

Ҳозирда ҳолат юзасидан мазкур шахсга нисбатан Жиноят Кодексининг тегишли моддаларига асосан тергов ҳаракатлари олиб борилмоқда.