Қашқадарёлик фуқаро 10 йиллик алимент пулларини олдиндан тўлади

Мажбурий ижро бюроси Қарши шаҳар бўлими иш юритувида фуқаролик ишлари бўйича Қарши туманлараро судининг суд буйруғига асосан қарздор Ф.Бойматовдан ундирувчи Н.Эргашева фойдасига бир нафар вояга етмаган фарзандининг моддий таъминоти учун қарздор даромадининг 1/4 қисми миқдорида алимент ундириш тўғрисида ижро ҳужжати мавжуд бўлган.

Ижро ҳаракатлари давомида, қарздор шу кунга қадар  алимент тўловини тўлаб келганлиги ва 10 йиллик учун олдиндан тўлов қилмоқчи эканлигини билдириб, бўлим давлат ижрочисига мурожаат қилган.  

Шундан сўнг фуқаро фарзандининг 10 йиллик моддий таъминоти учун ҳисобланган 150 млн сўм миқдордаги алимент пулларини тўлаб берган.