Бош саҳифа » ТАҲЛИЛИЙ » Қаршида МИБ, Косонда кадастр муҳандиси қўлга олинди

Қаршида МИБ, Косонда кадастр муҳандиси қўлга олинди

02 апр 2025
1 980
ТАҲЛИЛИЙ / МАҲАЛЛИЙ

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан Мажбурий ижро бюросининг Қарши шаҳар бўлими давлат ижрочиси ҳамда Давлат кадастрлар палатасининг Қашқадарё вилояти Косон тумани бўлими кадастр муҳандиси тезкор тадбирда қўлга олинди.

“Ҳудудгаз Сурхондарё” газ таъминоти филиалининг Термиз шаҳар бўлими Газ таъминоти объектларини техник тиклаш ва ишлатиш хизмати бошлиғи Косон туманида яшовчи фуқаро юк автомашинасини бошқариб кетаётиб, автотранспорт воситасининг том қисми билан табиий газ қувурига шикаст етказгани ҳолати юзасидан тузилган далолатномани йўқ қилиш ҳамда 11 млн. сўм миқдорида жаримага тортмаслик эвазига, ундан 400 АҚШ доллари ва 500 минг сўм талаб қилиб, 3 млн. 900 минг сўм ва 100 АҚШ доллари олган вақтида ашёвий далиллар билан ушланди. Терговга қадар текширув давомида, у аввалроқ 500 минг сўм олганлиги ҳам маълум бўлди.


Давлат кадастрлар палатасининг Қашқадарё вилояти Косон тумани бўлими кадастр муҳандиси ўз хизмат мавқеидан фойдаланган ҳолда маҳаллий фермер хўжалик раҳбари билан тил бириктириб, мансабдор танишлари орқали мазкур фермер хўжаликнинг 2 гектар сувли ер майдонини 60 млн. сўмга ҳамда тегишли ҳужжатлари бўлмаган 35 сотих ер майдонини турар-жой тоифасига ўзгартириб, кейинчалик эгалик ҳуқуқини берувчи ҳужжатни расмийлаштириб бериш эвазига 525 млн. сўм, жами харидордан 585 млн. сўм талаб қилиб, олдиндан 17 минг АҚШ доллари олган вақтларида ушланди.

Мажбурий ижро бюросининг Қарши шаҳар бўлими давлат ижрочиси жиноят оқибатида етказилган зарарни ундириш тўғрисидаги ижро иши юзасидан жабрланувчи фуқарога қайтарилиши лозим бўлган 554 млн. сўмни унинг пластик картасига ўтказиб бериш эвазига муқаддам 2 млн. сўм ва 100 АҚШ доллари олиб, қўшимча 2 млн. сўм олган вақтида ушланди.

Ҳозирда барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

«Улашинг»

Ўхшаш янгиликлар: