Қаршида 4 нафар эгизак қизалоқ дунёга келди
Қарши шаҳрида аёл 4 нафар эгизак қизалоқларни дунёга келтирди. Бу ҳақда Соғлиқни сақлаш вазирлиги матбуот котиби хабар берди.
Маълум қилинишича, Китоб туманида яшовчи Жасур Мақаев ва Дилфуза Баҳриддинова 5 нафар қизни вояга етказаётган эди. Туғилган эгизак қизалоқлардан сўнг уларнинг фарзандлари 9 нафарга етган.
Эгизаклар Республика ихтисослаштирилган она ва бола саломатлиги илмий-амалий тиббиёт марказининг Қашқадарё филиалида муддатидан олдин кесарча кесиш амалиёти орқали дунёга келган. Эгизаклар 1400 гр, 1450 гр, 1600 гр ва 1400 гр вазнда туғилган.
Айни пайтда қизалоқлар филиалда халқаро протоколлар асосида парвариш қилинаётгани билдирилган.
Ўхшаш янгиликлар:
Қашқадарё вилояти соғлиқни сақлаш бошқармаси бошлиғи ўзгарди. Собиқ раҳбар қаерда?
Бу ҳақда Соғлиқни сақлаш вазирлиги матбуот хизмати хабар қилди.
